Kalla by Prasen Bellamkonda

మీరు 'ఆర్ట్ ఎటాక్ ' తో చనిపోతారు అని కాళ్ల గారితో నలభై ఏళ్ల క్రితం అనుకుంటా అన్నాను.
అప్పట్లో ఏదో గొప్ప పద ప్రయోగం చేసానన్న చాపల్యం తప్ప ఆ వాక్యం వెనుక ఏ ఎమోషనూ లేదు.

ఆయనకు కన్నీళ్లూ కండొలెన్సులూ రిప్పులూ శ్రధ్దాంజలులూ నచ్చవు. తిక్క కదా. అంతే.
రిక్షా తొక్కుతూ కూడా గతితార్కిక భౌతికవాదం చదివే తిక్క కదా. అంతే.

పెళ్లిది పసుపు, ఏడుపుది నలుపు, సంబరానిది తెలుపు.... మరి మ్రుత్యువుదే రంగు.
ఆయన బొమ్మల్లో ఎవరైనా వాళ్లను వాళ్లు వెతుక్కుని వెంటనే వాళ్లను వాళ్లు కోల్పోవాల్సిందే. తిక్క కదా . అంతే.

నా రెండు పుస్తకాలకూ కవర్ డిజైన్ ఆయనే..నాకూ తిక్క కదా. అంతే.

గత నలభై రెండేళ్లుగా ఆయన మాటను అబద్దం చేసేందుకు నేనూ నా మాటను అబద్దం చేసేందుకు ఆయనా ప్రయత్నిస్తూనే ఉన్నాం.
చిట్ట చివరకు మాత్రమే నా మాట నిజం చేసి పేరుకు జ్వరం ముదిరిందే కానీ నిజానికి ఆర్ట్ ఎటాక్ తోనే వెళ్లిపోయారు.

రంగులకు ఆల్టర్ ఈగో ఆయన.
తిక్క కదా. అంతే.